夜班顛倒作息，唔止傷身，仲會拖低工作表現。英國最新研究顯示，女性喺夜班後清晨嘅反應速度同工作效率，普遍比男性差。專家認為，現代女性除咗要兼顧工作，仲要照顧家庭，休息時間唔夠或唔規律，自然更容易受影響。

研究方法：模擬日夜顛倒
英國薩里大學聯同新加坡研究團隊，邀請 16 名男性同 18 名女性參與睡眠測試。受訪者要喺實驗室逗留 10 日，研究人員刻意調暗燈光、移走時鐘，模擬夜晚環境，再每隔三小時派任務同問卷，分析佢哋清晨時分嘅認知表現。結果顯示，女性表現明顯較差。

為何女性更易中招？
雖然原因未有定論，但專家推測，女性可能受月經周期賀爾蒙影響，加上家庭壓力、照顧孩子等責任，令夜班工作更難承受。

長期健康風險
夜班打亂生理時鐘，會導致睡眠障礙、代謝異常、血壓升高，甚至增加糖尿病同心血管疾病風險。有研究亦指出，長期夜班可能與癌症風險相關，女性尤其需要留意。

打工仔夜班自救方法
要減低夜班影響，最重要係保持規律睡眠、均衡飲食、適度運動，並安排好心理調適。女性夜班工作者更加要定期檢查健康，留意荷爾蒙同心血管狀況。

夜班工作對所有人都係挑戰，但女性更容易受荷爾蒙同家庭壓力影響。打工仔如果要返夜更，必須正視長期健康風險，採取積極生活管理策略，先至可以減低影響。

文：Jamie＠ECjobsonline 編輯部